“Ma qaadan karo dhoola cadeyntayda” – Jude Bellingham ayaa fariin dareen leh u diray taageerayaasha Real Madrid ka dib markii ay taageerayaashu soo bandhigeen boor cajiib ah oo ay ku taageerayaan xiddigga la mamnuucay.
Superstar-ka kooxda Real Madrid Jude Bellingham ayaa uga mahad celiyay taageereyaasha Los Blancos taageeradii ay la garab istaageen xiddiga khadka dhexe isaga oo ku guda jira ganaaxii labada kulan ahaa.
Tan iyo markii uu uga soo dhaqaaqay Borussia Dortmund ee caasimada Spain, ciyaaryahanka khadka dhexe ee Ingariiska ayaa iftiimiyay horyaalka isagoo haatan ah gooldhaliyaha ugu sareeya isagoo dhaliyay 16 gool 22 kulan oo uu saftay. Goolashiisa ayaa si aad ah hoos ugu dhacay bishii la soo dhaafay, si kastaba ha ahaatee, waxa uu weli yahay ciyaaryahan muhiim u ah shaxda Carlo Ancelotti.
Real Madrid ayaa haatan hogaanka u haysa horyaalka waxayna u muuqataa kooxda ugu macquulsan ee xili ciyaareedkan ku guulaysan karta koobka horyaalka. Waxa ay uruursadeen 69 dhibcood 28 kulan oo ay ciyaareen waxana ay 7 dhibcood ka sareeyaan Girona oo ku jirta kaalinta 2-aad halka ay 8 dhibcood ka sarayso Barcelona oo ku jirta kaalinta 3-aad. Kaliya hal kulan ayaa laga badiyay horyaalka ilaa iyo haatan waxaana ay ka horyimaadeen kooxda ay isku magaalada yihiin ee Atletico Madrid.
Ciyaaryahankii hore ee khadka dhexe ee Birmingham City ayaa seegi doona kulan kale oo horyaalka ah marka ay Real Madrid la ciyaareyso Osasuna March 16. Waxa uu diyaar u noqon doonaa marka ay wajahaan Athletic Club March 31.
0 Comments